Siglingafélagið Ýmir
Naustavör 14, 200 Kópavogur
Sumarnámskeið 2024
Við erum byrjuð að taka á móti skráningum í sumarnámskeið fyrir börn og fullorðna.
Í ár mun Ýmir vera með ævintýranámskeið sem við köllum Leikur við sjóinn og hefur undanfarin ár verið í höndum Kópanes. Er þetta tilraunaverkefni í samstarfi við Kópavogsbæ.
Við erum áfram með námskeiðið Lærðu að sigla bæði fyrir börn og fullorðna þar sem við kennum á kænur í Fossvoginum.
Svo erum við með fullorðinsnámskeiðið Hæfur háseti sem er kennt á kjölbátinn Sif sem er alla jafna í Reykjavíkurhöfn við Ingólfsgarð, beint fyrir aftan Hörpuna.
Síðast erum við með framhaldsnámskeið á kænur, æfinga og keppnishópa, og náttúruskoðun sem farin er á kajökum.
Vonandi finna sem flestir eitthvað við sitt hæfi í sumar hjá Ými.
Skráning í félagið
Til að gerast félagi í Siglingafélaginu Ými er hægt að fara beint inn á Abler síðu félagsins og borga þar félagsgjald (árgjald félagsins samkvæmt gjaldskrá).
Einnig er hægt að millifæra félagsgjaldið inn á bankareikning númer: 0536-26-006634 kt: 470576-0659. En þá verður að senda kvittun á netfangið skraning(hjá)siglingafelag.is með netfangi félagsmanns í skýringu.
Ef greitt er fyrir þriðja aðila þá þarf að senda okkur póst á sama netfang og taka það fram svo félagaskráin okkar sé rétt.